樂基兒預告失蹤秘密生仔
樂基兒（Gaile）自去年被踢爆婚訊後，懷孕消息便不絕於耳，不過Gaile笑言生BB也會一如結婚般秘密進行，如果失蹤半年，便可以寫她生BB！
Gaile昨日為Lalique活動擔任模特兒，修讀藝術的她表示會效法品牌已故設計師，將自己的作品流傳百世，她說：「我會將自己作品留畀小朋友，如果有仔女嘅話！」問到可有與剛誕下BB的模特兒好友Danielle見面？她說：「未呀，不過我已經見過佢BB，好得意呀，我同Danielle已經識咗好耐，（做契媽？）冇，叫我auntie。」
拒答「安全」問題
向來喜歡小孩子的Gaile，被問到想唔想盡快做媽咪？她說：「順其自然啦，（有冇計劃？）未有，（如果有意外呢？）要真係有意外先知，（好安全？）太私人喇！」問到簽約老公黎明公司有沒有條約不准她生BB？她說：「我唔係好清楚，不過應該冇。」
經常放三個月假
至於會否秘密生BB？Gaile坦白說：「咁呢樣就有可能，到時未必會同你哋講，（係咪十個月唔見你就係去咗生BB？）最少要六個月以上啦，總之如果唔見我半年以上就可以寫我生BB，三個月都唔可以，因為我好多時放假都會放三個月，返嚟肥咗都唔可以話我有咗，要六個月唔見先得。」事先張揚會「秘密」生B，認真坦白得可愛！ 採訪：名人組