羽翹角膜炎大眼仔惹禍
患上角膜炎的羽翹在助手陪伴下到醫院覆診，她表示起初感到頭痛欲裂時，以為只是患上感冒，直至雙眼眼白「消失」才知大件事，急急求醫，她又指暫時要跟至愛「大眼仔」說再見。
昨午戴上黑超及Cap帽的羽翹與助手現身跑馬地養和醫院，只見坐在梳化上的她不時滴眼藥水，狀甚痛苦，而離開時在助手幫助下在右眼眉骨位置貼上退熱貼。
誤以為感冒
羽翹透露雙眼患上角膜炎：「星期日去完洪杰個發布會之後，個頭好痛好熱，塊面腫到豬頭咁，我以為感冒啦！完全唔知係眼有事。第二日起身，媽咪問我點解喊，原來兩隻眼都紅晒，完全見唔到眼白位，超恐怖！」她續說：「依家眼球轉唔到左右，望嘢要用個頭嚟就，同埋對眼好『慶』，醫生開咗眼水畀我，等我對眼滋潤啲唔會乾。」
休一日復工
而羽翹更要與最愛的「大眼仔」暫時「分手」，她說：「醫生話應該係戴大眼仔同Color Con搞到角膜炎，以後會減少戴，睇完醫生已經即刻買咗普通即棄型隱形眼鏡。」問到洪杰有無送上慰問時，她笑道 ：「佢冇喎！遲啲要佢還人情債添啊！」羽翹又表示只有一天時間讓雙眼休息，今天已要復工為雜誌影相。
文、攝：專案組