William返地球出碟唔露肉
陳偉霆（William）於明日（22日）推出新碟，昨日他到電台宣傳，邊睇唱片相邊激讚相片影得他好靚！其新碟主題是他由宇宙飛返地球，故以太空人閃爆造型出現。有謂他 不再露肉，William嘻嘻笑說：「係呀，今次終於有衫着，其實着唔着衫都要睇場合。」
去年William本打算往美國深造舞蹈，可惜因工作太忙而擱置，但昨日有好消息，指五月開拍的電影要延期，他可放一個月大假進修「舞功」，他興奮地說：「終於成行，我打算參加埋荷里活一個跳舞比賽，雖然一定輸，但可以上台跳吓都好呀。」另外，他計劃九月再推出新碟，暑假又舉行音樂會，揚言屆時定會激跳。