周柏豪遊歌舞伎町被仔撩
樂隊Mr.、周柏豪與緋聞模特兒女友鍾浠文等前晚出席潮人派對，周柏豪透露早前做完激光矯視後，最近喪爆眼瘡，他說：「早排顧住演舞台劇，冇時間治療，醫生話我眼水唔夠，磨損搞到雙眼細菌感染，星期一要再睇。」他早前與朋友到日本旅行充電，期間試過單拖到歌舞伎町見識，發現不少「牛郎照」，問到有沒有艷遇？他笑稱：「見到好多新奇嘢，（你靚仔過啲牛郎？）佢哋一定有啲嘢叻過我，好似待人處事技巧。（有冇人撩你？）男仔囉，冇女仔撩。」
Mr.只得四子亮相，因主音Alan睇Twins演唱會。近日他們再捲入抄歌風波，有指由Alan作曲的《黑色狂迷》，旋律與加拿大樂隊Simple Plan的歌曲《The End》酷似，成員Dash否認抄歌，並說：「我哋平常心做音樂，亦聽過原曲，唔覺得似，但冇打擊士氣。」