杏兒情不自禁摸祖藍
王祖藍前晚以童顏巨乳look為無綫節目《荃加福祿壽》錄影，載歌載舞唱出台灣宅男偶像瑤瑤名曲《愛的抱抱》，汪明荃見狀一拳打落祖藍巨乳之上，並說：「見到你唔慌唔飽！」同場的胡杏兒則扮偶像梅艷芳，自言緊張至失眠。她又讚祖藍有對靚腳，更情不自禁出手撫摸。面對祖藍、阮兆祥與李思捷等搞笑能手，她坦言介意拿其緋聞男友黃宗澤來開玩笑。
雖然祖藍的女裝扮相獲觀眾拍案叫好，但他說：「唔好扮咁多女人，我驚嚇親啲媽咪級，佢哋唔肯將個女嫁畀我。（杏兒讚你腳靚？）我出街食飯，好多人話『你對腳好幼、條腰好slim』，我唔想有囉，我想man啲！第時揀老婆，身材一定要好過我。」