周秀娜開中門Big贏自己

昨日周秀娜為代言的《龍Online》到商場出席活動，以谷胸、露臍的cosplay噴血造型現身。周秀娜面對鏡頭神態自若，吸引大批龍友包圍拍攝。活動上，大會首播周秀娜主唱兼演出的遊戲主題曲ＭＴＶ。周秀娜和虛擬角色的外形如出一轍，可謂有九成相似，惟真實的周秀娜「中門大開」凸圍而出，比虛擬咪咪更加澎湃。

無意轉做歌手

周秀娜接受訪問時乘機賣廣告：「我之前率先試玩過隻game，用番自己個身份去玩，冇諗過大家會追住我嚟打。」她又透露要通宵拍ＭＴＶ，問到是否很辛苦？她謂：「同一班同事拍足一日一夜，簡直係體力上嘅考驗。」她又自嘲有自知之明，無意轉做歌手：「不過依家都有傾緊其他合作方式，出碟就唔會喇。」

遊戲公司為周秀娜推出攬枕作宣傳。

鄺敏慧以cosplay造型示人，成功搶去李卓庭風頭。

鄺敏慧怕走光

另外，鄺敏慧與李卓庭出席另一online game活動。同樣以cosplay造型亮相的鄺敏慧，大騷長腿亦算性感，不過她擺甫士時似有所顧忌，動作生硬。事後她承認怕走光：「都會驚被人close up重要部位，所以唔會太大動作。」對於舊愛崔建邦公開表示曾想過輕生和沒有愛錯時，她冷淡地說：「冇乜感覺！過咗去唔想再提，唔方便畀自己嘅意見。」她又謂近日未有收到警方電話，提到上庭作證，她則稱到時再作打算。

文：名人組