蘇頌輝拍片花搵老細投資
明珠台品味節目主持人蘇頌輝，對電影有濃厚興趣，早前他與好友伍允龍及華籍女導演Jennifer Thym合作，拍攝原創電影《BLOODTRAFFICK》，他謂：「我哋投資咗十萬美元，拍攝呢齣戲嘅其中十分鐘做片花，然後參加各地電影節，希望有電影公司有興趣，咁我哋就可以拍晒成齣戲出嚟。」
他們的製作很認真，除購入荷里活最新攝影機，亦請來奧地利的燈光師，而蘇頌輝為電影擔任監製，他說：「之前喺美國做過舞台劇監製，電影就第一次。其實我哋幾個都係喺alivenotdead.com認識，大家志同道合想拍電影，所以就試吓，可能下次我轉做演員都唔定，想試吓唔同位置。」他指劇本是導演Jennifer花幾年時間構思，眾人為十分鐘的片花捱三晚通宵：「雖然日日只瞓得兩個鐘，但過程好開心，好似一家人咁。」