冼色麗援交全裸豁出去
影壇新人冼色麗（Bonnie）首次全裸上陣演出新片《囡囡》，並於戲中扮演援交女，與對手有不少情慾鏡頭，Bonnie坦言心理壓力很大，要導演不時向她作出輔導開解！
由冼色麗及詩雅等主演的話題電影《囡囡》，內容圍繞現今社會風氣問題，Bonnie和詩雅更犧牲色相，扮演援交少女，當中前者更首次全裸演出，與男演員拍攝大量情慾鏡頭，挑戰性感底線！
屋企人會明白
Bonnie表示雖然當時導演清場拍攝，加上重要部位全部不露，但如此赤裸裸的演出，內心亦很難受，幸而得導演開解才豁出去。她說：「呢個係我拍戲以來最大膽嘅角色，拍之前我已經知道有呢啲場面，導演一早已經輔導咗我，但拍嗰陣真係好唔自在。（尷尬？）都有少少，可能我太投入呢個援交角色喇！事後我都有問番詩雅，原來佢同我一樣有呢個感受。（會唔會請屋企人睇呢部戲？）唔知呀，不過屋企人會明白嘅。」
朋友嘲催淚彈
提到事業大計，Bonnie透露除了希望《囡》片票房有好成績，她與房祖名、薛凱琪演出的新片《分手說愛你》亦即將上映，問到將來想再演出甚麼角色，她說：「希望接到一部慘情戲，演繹多啲內心戲，我覺得自己都幾感性，朋友笑我係一個催淚彈，所以我想試吓拍呢類電影。」
文：專案組