狄娜撐邦無損前途
無綫高層陳志雲昨日接受查小欣訪問，提到愛將崔建邦（Amigo）昨日出庭，陳志雲表示前晚及昨日雙方也有通電話：「Amigo有問我除唔除口罩好，我叫佢有信心就除，唔好閃縮係堂堂正正行入去，只要自己良心冇嘢過唔去就得。」又說Amigo本月26日將到非洲探訪，下月20日才返港。
狄娜一直欣賞陳志雲慧眼力捧Amigo，除留意其幕前演出，亦有關注案件之進展，並說強烈相信Amigo，對他在庭上「不認罪」，狄娜說：「當然有佢理由，雖然外間覺得案件影響佢前途，但我唔係咁睇，在乎佢處理得好唔好。（點先叫好？）對法庭一百個尊重，要坦白，佢都做到啦！」
盛傳與Amigo「翻撻」的唐詩詠昨日開工未有出庭支持，她表示對有關案件不便回應，可會擔心？唐詩詠說：「大家畀啲空間佢啦！」至於鄺敏慧（中巴）上月9日已赴日本工作，其經理人Frankie表示案件已進入司法程序，暫不作回應。另無綫高層樂易玲表示，Amigo完成非洲之旅及上庭前期間，如有適合工作會作安排。