OK Go難忘為粉絲簽名被捕

四人樂隊OK Go當日由兩位主將主音Damian Kulash及低音結他手Tim Nordwind接受訪問，他們首次來港便品嘗了不少美食。

香港有活力

Damian說：「香港好有活力，比起台北及首爾，香港真係一個多文化匯合嘅地方。我哋食咗四川菜同私房菜，訪問前就食點心同去山頂。」

首次來港開騷的OK Go，當晚便送了Gibson結他給fans，鼓勵香港發展搖滾音樂：「我諗香港市場剛開始蓬勃，見到年輕一代睇細騷，就想起美國二、三十年前搖滾音樂剛興起時的境況。」

騎呢舞出位

OK Go最為人熟悉相信是歌曲《A Million Ways》的MV，四子自編自跳騎呢戇男舞，更掀起了粉絲們學習該舞自拍搞笑短片，YouTube點擊率更高達二百五十多萬次，Damian對能夠與fans互動感滿足：「本來《A》的舞係諗住在台上畀驚喜觀眾，諗住喺台上突然跳呢隻舞會好好笑。初時冇諗過做MV，只係在後園練習時拍低，畀朋友睇時個個都話好正，最後先用嚟做MV。」

相隔五年才推出新碟《Of the Blue Colour of the Sky》，二人解釋因為花了兩年多巡迴演出，期間發生不少趣事，Damian表示：「有次喺佛羅里達州嘅迪士尼樂園表演完同fans簽名，被警察趕，諗住簽埋至走，但被兩個警察拉咗，扣留咗我兩個幾鐘。」Tim亦稱：「佢哋玩我，有次將我除衫啲片放上台播，當時暖場樂隊表演緊，台下粉絲勁興奮。」

文：外娛組