廖碧兒做打女上癮
華裔小姐出身的廖碧兒，去年膽粗粗嘗試以打女身份轉戰影壇，結果反應不俗，對碧兒來說無疑是打了支強心針。有舞蹈底子的她，不諱言從沒想過當打星，她謂：「細個睇楊紫瓊啲戲覺得佢打得好靚，但又知道佢背後受過唔少傷，所以都冇諗過自己有朝一日會做打女，不過後來聽啲武師講，我有跳舞底學打會好容易，所以就博一博，好彩都應付得嚟。」
而繼年前一部西片後，早前碧兒又於《滅門》演打女，笑言愈打愈上癮，寄望日後能憑演打女闢出一條新路向，她謂︰「我唔敢奢望做到楊紫瓊嘅成績，但如果可以有個提名，我都已經心滿意足嘞！」