官恩娜拍戲被掟石似走難

官恩娜、何韻詩、劉浩龍等出席東華三院首部電影《東風破》煞科宴。於戲中飾演血癌病人的官恩娜透露，到內地取景時被村民掟石。她說：「有少少誤會，佢哋想要錢，以為我哋拍戲好有錢，圍住我哋幾日唔畀我哋走。我同苗可秀喺船上面，佢哋係咁掟石，我真係驚到腳軟。」她又稱與苗可秀由山路逃走，與對方共患難成為好友。官恩娜坦言從未試過被人如此粗暴對待，故絕不容忍男友有暴力傾向。