趙碩之口水招待冼色麗
趙碩之（Wylie）性感火併冼色麗（Bonnie），更膽粗粗為對方線面，但雞手鴨腳搞到Bonnie口水滿臉，場面尷尬。Wylie打趣說日後要搵男友當模特兒「再試身手」。
Wylie與Bonnie昨以懷舊打扮，出席尖沙咀新太陽廣場《新地姿彩感動「型」3.8》活動，前者不但露小蠻腰，俯身時豐胸若隱若現、「事業線」畢露，搶鏡非常。她更應活動要求，跟線面高手即場學習，然後拿起粉餅及面線，為Bonnie線面。不過Wylie竟將沾滿口水的面線不停往Bonnie面上印，場面搞笑。事後她謂︰「我第一次幫人線面咋，搵媽咪做模特兒佢一定唔肯，諗住遲啲搵番個男友畀我實習吓囉。」雖然滿臉別人口水，但Bonnie卻不介意，且形容首次線面雖有點痛，但相信對護膚及美白甚有幫助。
減肥兩日
談到一身性感打扮，Wylie表示已做足防走光措施，事前更展開為期兩天地獄式減肥︰「過年時去親戚屋企拜年，個個都整啲好嘢畀我食，我又唔忍口搞到成個人吹脹咗，好彩減咗兩日瘦番咋。」Wylie坦言原先有打算旅行避年，但由於工作關係平日已錯過不少家庭聚會，所以最終決定留港做「乖乖女」，與家人親戚齊過春節。
文︰影視組