凱欣分別穿上性感乳牛及老虎裝，展示32E驕人身材，令現場氣溫立時飆升，向讀者「驅寒」兼拜年，祝大家虎年虎虎生威、龍精虎猛。生肖屬豬的她本年合太歲，但被寄語多勞多得，難怪她直言今年事業及愛情會付出同樣的努力。

為嫁人保三點

由於即將返內地拍戲，有關方面向凱欣「勸喻」減少性感演出，不過靚女卻坦言未有「封胸」打算：「如果性感得嚟有美感嘅話，當然冇問題啦，我都計劃緊想推出寫真集，性感相一定唔少得。」來年銳意進軍影壇的她，更不排除只堅守最後防線：「底線係三點不露，因為我驚嫁唔出。如果遇到好劇本，再性感啲真係冇所謂㗎！」不過有相士則指凱欣今年要「反傳統」求突破，事業才更上一層樓，例如以往衣着性感，今年最好穿棉襖，身為性感女神的她惟有一笑置之。

旺桃花覓筍盤

由於身邊朋輩不少已婚或覓得另一半，小姑獨處的她自言恨拍拖，更自爆減少去台灣發展時間，主要原因乃近日桃花運不錯：「我唔想再柴娃娃，搵男朋友梗係朝住結婚、生仔嘅方向，咁啱喺香港都搵到有潛質（男友）嘅，都想發展順順利利。」

性格豪爽熱情的她原來亦擁有中國人傳統的一面，大年初一更會因應母親吩咐，不沖涼兼不洗頭，當被取笑邋遢，她即打趣：「點會啫，我個身咁香！」原來她也愛購紅色新內衣褲「應節」：「初一仲會食齋添，我係長女，以前仲要負責拜祖先鞠躬，叩足一百個響頭，好彩後嚟細佬出咗世，佢救咗我一命嘞。」

文：影視組

攝：劉智源

場地：Termini Cafe