黃長興事業衝刺結婚拖住
無綫藝人黃長興獨資開設的法國餐廳漸上軌道，他感激女友Peggy默默支持，直指對方是Perfect Match來示愛，自言是大男人的他還揚言「養佢冇問題」！
黃長興早前因開餐廳壓力大而清減不少，隨着業務漸上軌道，他已回復昔日的壯健身形，談及其女友Peggy時，他極力維護，一副好男人的模樣。他說：「報道話佢中女係錯嘅，佢得廿幾歲。佢之前有時間就同我一齊搞餐廳，遲啲會做番公關，佢好支持我。（係小女人？）或者係我大男人，我講啲嘢通，佢會配合，係一凹一凸Perfect Match。（養佢？）我養佢冇問題！但佢係要做嘢，有自己事業，但唔係為咗養家，想充實自己，返五、六個鐘開心就得，錢多少都冇問題。」
阿媽心急
黃長興坦言家人有催婚，但他還是堅持事業有成才給女友名分：「我一星期會返屋企一次食飯，有次同媽咪講出去食，佢就話唔使，叫我儲多個錢結婚。（聽媽媽話？）要有番咁上下事業先。」
除了感激女友的支持，黃長興還多謝「背後的男人」：「雖然我係老闆，但都係大廚兼好友Rick Kwan經驗多，我喺法國，但佢喺香港，清楚香港人嘅口味。（為餐廳而拗撬？）哈哈，成日拗！大家有商有量，佢又唔會因為我係老闆而乜都點頭，多謝佢肯畀意見我。」
文：專案組
攝：謝國華
服裝：twist@Central
場地：A La Maison