喜歡熱鬧過年氣氛的Ella抵冷舞獅頭，祈求虎年暢旺：「獅頭有好意頭，希望虎年可以跟不同地方監製合作，SMAP嘅監製Yanagiman作咗首歌畀我，依家同其他重量級音樂人傾緊合作，希望今年音樂上有突破，快啲出新專輯！」

演技接受挑戰

當Ella舞獅頭舞得興起時，歌神許冠傑與兒子許懷谷夫婦剛好路過，許冠傑高舉拇指大讚Ella，為她打了一支強心針。Ella開心地表示在電影上有新挑戰：「新戲擔正做主角，仲要分飾兩個角色，有30、40年代造型，而現代嘅角色係扮白血病人，仲要有吸毒場口，都係新嘗試。」

狂擦賀年食品

一直都很愛過年熱鬧氣氛的Ella會將keep fit大計拋諸腦後，盡情食賀年食品，她說：「我好鍾意食年糕、煎堆同紅瓜子，之前仲試過整年糕！」但Ella今年要飛往美國拍戲，初三回港後又要繼續工作，無緣與家人及男友過節，不禁有點失望：「唔過情人節唔緊要，我有啲傳統思想，初一同屋企人過係好重要。」

此外，搞笑的許懷谷也趁過年扮「財神」應節，日前他選用其父許冠傑經典歌《財神到》向大家拜年，肥嘟嘟的懷谷扮起來似模似樣很搞笑。

文：林嘉慈

攝：林楠

服裝：上海灘

獅頭提供：陸智夫國術總會