《花田囍事2010》前日以九十多萬開畫票房，擊敗《72家租客》的六十九萬，成為當天票房冠軍。昨日古天樂、吳君如、鄭中基及黃百鳴風騷現身九龍灣國際展貿中心，開香檳慶祝《花》片票房報捷，四人坐開篷巴士進場，又向現場觀眾大派利是，場面熱鬧。

吳君如、鄭中基、黃百鳴及古天樂開香檳慶祝《花》片成為票房冠軍。

左起：黃百鳴、君如、古仔及鄭中基坐開篷巴士進場。

有人口出狂言

對於《花》片開畫大收，君如表示：「好開心先贏一仗，曾志偉今次『口出狂言』出啱咗，就係因為佢撩起風波，引人注意至咁成功，佢應記一功，希望兩部片都好收。我會去泰國會合陳可辛玩幾日，返嚟先慶功！我仲會包院同個女睇《花》。」而古仔則說：「我最開心係前日《花》贏埋《阿凡達》，我哋係當日中西票房冠軍，所以今日同觀眾見面，多謝佢哋咁支持我哋套戲。」

睇完安心瞓覺

至於黃百鳴就氣定神閒說：「我對票房有信心，希望破《家有囍事2009》2400萬成績，喺內地《花》都贏晒《72》。（剝志偉棚牙？）我哋係應該贏架！志偉又話睇《花》首映又唔嚟，可能佢驚！」而他早前曾向內地傳媒表示：「志偉之前話請我睇《72》，後尾咪又係我自己畀錢，不過睇完我可以安心瞓覺。」而志偉因不在港，故截稿前仍未作出回應。

文：影視組