曾志偉前晚率王祖藍、高海寧及何傲兒等出席電影《72家租客》宣傳，眾人分別到銅鑼灣及旺角的戲院派發書籤、海報及揮春，引來逾百人圍觀。大會雖已派出廿多名保安維持秩序，但仍有不少途人爭相搶奪贈品，現場一度混亂。
志偉表示《72》片是他拍攝以來最多宣傳的一套：「會宣傳到齣戲上映嘅第三周。（學友點解唔到？）佢要陪屋企！」旺角曾發生拋擲鏹水彈一事，不過志偉揚言未驚過：「嗰度係我哋打躉嘅地方，我哋唔去邊個去呀！（票房期望？）首映反應好，所以依家希望超過二千五百萬。」志偉更笑言若票房理想，會請眾人去坐郵輪到東歐遊玩，更抵死謂：「好多人咪分批去囉，請咗啲女人先，叫埋ＴＶＢ搵贊助！」
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |