鄭伊健前晚與日本女星栗山千明、o靚模鍾蕙芝（Lavina）等亮相動畫《機動戰士高達UC》首映，Lavina更以透視裝示人。問伊健是否已度期出席老友陳小春婚禮？他笑言：「小春一時叫我預時間畀佢，轉頭又話唔使住，我都唔知佢想點，（為小春hold期損失大？）係冇接到一啲job，因為預咗我年三十出發，等佢再通知，講真我都唔知佢係咪做老竇。（小春、彭順都結婚，幾時到你？）我睇佢哋婚後有冇後遺症先，不過我都係時候諗架啦！」
栗山千明則以廣東話跟現場觀眾打招呼，她說：「套動畫度有我做歌手後嘅第一首歌，請用心聽，希望大家會鍾意。」
