前晚穿性感谷胸晚裝與樂易玲雞啄唔斷的廖碧兒，同晚以low-cut連身褲性感打扮，出席《葉問前傳》煞科宴。由於同場的十七歲女新人陳嘉桓（Rose）以性感大露背示人，碧兒被問會否擔心遇上這類青春後輩時，她笑說：「佢輩份高啲，佢學咗功夫好耐，係師姐。其實年年有新人娛樂圈至會強大，反而提醒自己唔好懶，要學多啲嘢。」
談到碧兒的緋聞男友陳豪被傳與佘詩曼撻着，阿佘否認並強調已做定人情予兩人，碧兒對此不以為然：「我冇乜留意緋聞，只係覺得好唔抵，影響到我屋企人。（阿佘話你唔認拍拖先被拖落水？）人哋有佢自己嘅答法，畀人帶咗上嚟我都冇辦法，（咁你係咪同陳豪拍拖？）我唔會再答，但將來結婚生仔我會同大家分享。」
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |