袁彌明：「正如龔如心細佬（龔仁心）話齋，呢個判決真係公道自在人心！陳振聰同龔如心嘅關係實在太離奇喇，完全都唔知佢哋咩關係，就話陳振聰有晒龔如心全部遺產，呢樣嘢好難令人信服咯！有幾張合照就話係情侶，都冇乜太實質嘅證據，感覺上有啲自說自話。仲有一個疑點係，我知龔如心本身有個基金，所以我覺得份遺囑冇理由少少都唔留畀個基金嘅，又或者冇理由一啲都唔留畀屋企，真係好值得質疑。雖然份遺囑嘅真偽性真係好值得商榷，但我都好希望件事快啲告一段落，即係我想陳振聰唔好再上訴，因為真係好煩厭，我唔想再睇關於呢單新聞嘅嘢，佢哋係情侶又好、唔係情侶都好，我都唔想知。」

杜汶澤：「我最關心嘅係個基金往後可以幫到幾多人，因為係幾龐大嘅數目，希望佢哋能夠善用資金。（點睇華懋慈善基金勝訴？）一個慈善機構能夠得到一筆錢，可以用嚟幫助有需要嘅人當然係好事，希望龔如心細佬能夠用番『天地有正氣』嘅『正氣』兩字去處理筆基金，令到有需要嘅人可以得到幫助。」