一般的監製總給人嚴肅感覺，但以長髮為標記的潘嘉德，卻經常與藝員玩作一團。他喜愛起用歌星拍劇，並大讚容祖兒不計較扮醜女，還試過拍到暈倒呢！
人稱德哥的潘嘉德1974年考入無綫四期藝員訓練班，同期學員包括有杜琪峯、賴水清等著名幕後人，幕前亦有李國麟。
德哥堪稱「紅褲子」出身，監製過《廟街‧媽‧兄弟》、《刑事偵緝檔案》系列、《衝上雲霄》、《女人唔易做》、《王老虎搶親》及剛播畢的《巴不得爸爸》等劇集。
陳慧珊變骨女
中學時期的德哥已對跳舞、唱歌、話劇興趣甚濃，畢業後在銀行做了七年半會計，一直保持公餘演出，一次友人代他報讀無綫訓練班，從而踏上演藝之路。
藝訓班畢業後初期，德哥多被派演「衙差」、「路人甲」角色，當時他常替前輩王天林抄寫劇本賺外快，漸漸對幕後興趣更濃，三個月後終申請轉職幕後。
在德哥的作品中，發覺有不少都起用歌星做主角，包括《廟街‧媽‧兄弟》的李克勤、梁漢文及《美麗在望》的容祖兒，德哥說：「用歌星做主角冇問題，因為公司有好多好嘅綠葉支持新人，有後浪推前浪，但亦要有前浪至可以帶後浪，用歌星嘅好處係畀觀眾新鮮感，又畀機會佢哋入屋，相得益彰。（佢哋會唔會顧住形象？）應承得演嘅就唔會，好似容祖兒咁，拍《美麗在望》已經好紅，但都唔介意扮醜女，又唔會麻煩，仲試過拍到暈添。」
在合作過的藝人中，德哥不時會預留「突破空間」，他說：「好似陳慧珊好專業人士感覺，但我喺《衝上雲霄》都畀佢周旋喺兩男之間，新劇《搜下留情》更做按摩女郎。」
胡杏兒悟性高
至於胡杏兒，德哥大讚她聽話悟性高，而吳卓羲更被德哥「一眼看中」：「有次喺排舞室幫梁漢文試造型，見到仲係舞蹈員嘅吳卓羲，覺得佢外形幾好，之後《再生緣》要搵個角色叫咗佢去試鏡，不過啲戲唔得冇用到，直到開《衝上雲霄》搵班後生仔，有吳鎮宇、馬德鐘、韓馬利等前輩喺度，令佢得益不少。」
文：影視組