田蕊妮胡定欣入冊十年放監
視后級好戲之人田蕊妮及胡定欣，十年前初次互鬥演技的劇集《蘭花劫》，獲無綫以數碼技術優化聲畫，並安排本月底於翡翠台播出，阿田提到這齣她在無綫的處女劇，在監獄內取景，她坦言記憶猶新，更指能夠重溫，絕對驚喜！
無綫決定抽起由黃智雯、袁偉豪、陳智燊及黃淑儀主演的《三個女人一個「因」》，改派由視后級好戲之人田蕊妮及胡定欣十年前合作的劇集《蘭花劫》，緊接熱播劇《不懂撒嬌的女人》，由5月29日起逢周一至日晚上9時30分於翡翠台播出。
數碼優化聲畫
無綫指《蘭》劇於2007年製作，同年透過TVBI發行至海外市場播映，亦曾在劇集台播出，備受好評。此劇在香港第一所監獄－－中環域多利監獄取景，真實感強烈，而經數碼技術優化聲畫後，觀眾更能細味田蕊妮、胡定欣、蘇玉華及唐寧等在監獄中的精彩演出！
凍齡女人戲
阿田得知能重溫自己在無綫的處女劇，興奮地說：「已經收到珍姐（無綫高層曾勵珍）電話，佢話睇咗片，我哋個個好似凍齡咁，個樣一啲都冇變。呢個劇我好記得，係我當年新婚過檔無綫第一個劇，當年拍嚟賣埠，成績唔錯，估唔到依家喺翡翠台播出，好驚喜！頭先已經打咗畀唐寧緬懷拍攝點滴，雖然拍得辛苦，但相處愉快，我同蘇玉華、唐寧好多女人戲，我都想睇番自己係進步定退步？我都好期待遲啲成班出嚟宣傳、敍舊！」
文：影視組