阿佘昨盛裝為商場聖誕燈飾主持亮燈儀式，期間大會安排三名戴着嘉穎、陳豪、祥仔面貌紙牌的男士，分別送花、后冠、獎座，問她最想收哪份禮物？結果阿佘不收嘉穎的花，揀了陳豪的后冠，阿佘解釋：「《宮心計》Hit咪揀皇上囉，我想一再嘗試戴后冠嘅滋味，畢竟十幾年前嘅事。」

對於大會以「準視后」來形容她，阿佘笑說：「可能係寫『準時』寫錯咗。（信心如何？）唔可以對自己冇信心，隨緣啦，收視好、有口碑已經開心、滿足。」阿佘透露與陳豪、嘉穎、楊怡有意四人合資請台前幕後食餐勁，問到是否台慶頒獎禮慶功宴？阿佘即說：「咁要請埋雯女（鄧萃雯）、阿靚（袁詠儀）一齊，都唔知邊個攞（視后）。」對於張智霖「倒米」謂阿靚攞獎切個頭出來，阿佘笑謂對方最愛講笑。

扮醉酒瞓梯間

另外，阿佘前晚在中環為《天與地》開工，一身型女look的她在面上塗上紅胭脂扮醉酒，倒臥梯間。同場還有湯盈盈、黃德斌及小女孩拍喊戲。

此外，《宮心計》上周收視保持平均35點，廣管局收到一宗投訴指劇情恐怖，而《活著》則有三宗投訴指土人裸露鏡頭不雅及原始生活兇殘令人不安。

佘詩曼扮醉酒，不怕污糟躺在樓梯間。

湯盈盈於中環街頭拍攝劇集。

文：影視組　攝：林蔚恩