【陳永峯東莞直擊】鍾蕙芝（Lavina）及胡心諾（Rainbow）昨出席東莞「婚紗城」活動，期間在場的馬匹對Lavina甚有興趣，不時趨前哄她，而Lavina亦顯得十分受落。
Lavina與Rainbow表示這次已是第N次穿婚紗，卻無懼正式結婚時冇feel，Lavina稱：「成日着咪可以揀定心水囉！」無奈Lavina自言未有對象，並謂揀男友不會看重「家底」：「最緊要錫我，好多人都要求有家底，但相對人哋都會要求你有番咁上下，我又唔係咩有錢女，佢照顧到我就得！」她透露聖誕節會嘗試司儀工作，至於是否有心轉型收起性感，她即笑謂：「唔係，之前嗰啲（工作）都好鍾意！」Rainbow則表示稍後會買鑽石鏈送給媽咪，認真孝順。
另外，Lavina與Rainbow將於下月五日推出分別名為「California Dream」及「Over The Rainbow」的月曆，售價$98，並附送年曆卡。