昨日阿Sa偕同古仔及吳彥祖（Daniel）等，為英皇新片《鎗王之王》宣傳。曾多次與古仔合作的阿Sa，大讚對方對自己相當關照，閒時更幫她分析前途問題：「佢教我要點樣揀戲嚟拍，又話睇好我日後有獎攞，總之成個導師咁啦。（鄭中基冇教你？）我哋唔講工作。（有冇將古仔教你啲嘢教番阿嬌？）咁又冇，因為唔同人可能未必啱用嘛。」

古天樂因接拍《鎗》片愛上射擊。

英皇電影《鎗王之王》昨日舉行新聞發布會。

六千呎豪宅自住

出名孝順的古仔日前被指斥資億元購入港島區六千多呎豪宅，為雙親轉換更佳居住環境，他說：「都未正式買，如果買咗都係用嚟自住，放咗依家個單位。」剛完成賀歲片拍攝工作的古仔，周內又要再起行到內地開工，被記者取笑身家豐厚。問到有否定下年內的賺錢目標時，他表示：「真係冇諗過，但覺得最緊要一家人開心。」

Daniel轉行做泥水

《鎗》片內古仔與Daniel扮演射擊高手，開拍前更接受相關訓練，二人昨被安排即席一顯身手，博得全場掌聲。古仔透露接受訓練期間，試過花數千元去試槍，又專程到澳門睇比賽。Daniel則買氣槍返家苦練，結果嚇到愛犬狂吠。早前Daniel為慈善往四川起樓，他笑言：「師傅話我手工好，冇戲拍都可以轉行去做泥水。」探訪時他亦有幸與年屆八十六的前美國總統卡特同場，對方更指明要與其女友Lisa S.合照。

文：影視組