趙碩之昨日以嘉賓身份為一化妝箱品牌擔任亮燈嘉賓。趙碩之表示由於以往是修讀時裝設計的關係，故在中五時便已經開始化妝：「當時返學連啲男同學都會化妝嘅。（為咗鬥靚？）又唔係話鬥，只係大家覺得型啲囉。（試過偷媽咪啲化妝品用？）幼稚園嗰時試過偷咗媽咪支唇膏，拎返學校幫其他同學化妝，最後仲畀老師鬧。」
接受姿整異性
問到趙碩之可會接受到將來男友化妝？她即謂：「男藝人就話啫！唔好啦，女仔化咗妝都成日整污糟啲衫啦，如果男仔都化埋妝，咁親熱嗰陣咪會好唔方便，整到周圍都係囉！」趙碩之指只接受姿整的男仔，她又謂以往也試過以玩樂形式為男友化上誇張的妝。
文：影視組
