Rosanne及Race昨日化身漫畫小公主拍攝兒童語言教育節目，早前宣布跟27歲混血牙醫男友Derek結婚的Rosanne，透露正忙於籌備婚禮，但否認本月28日於新加坡一間教堂成婚的傳聞，她說：「邊有可能28日，你估我係Superwoman咩？其實好多細節都搞掂晒，主要都係香港同新加坡個場地仲未決定到。」一向身形瘦削的Rosanne發福不少，穿起連身裙時更驚現水桶腰及粗臂，但她否認懷孕：「梗係冇啦！」

倫敦影婚照

反而Race爆料指不少朋友都致電追問Rosanne是否「有餡」趕住結婚，Rosanne耍手擰頭：「我都幾保守，希望結咗婚先有BB。」豈料身邊的Race急不及待要榮升「阿姨」，不停催家姐生仔，更提議Rosanne稍後到倫敦拍婚紗照時可乘機提早造人，Race說：「到時我同細細妹都會一齊去幫手，我仲會拍埋DV，不過就絕對唔會做電燈膽。」

出碟教中文

另外，提到兩人斥資十萬投資的教育節目，Race說：「我同家姐覺得好多外國小朋友都唔識中文，所以兩年前就開始籌備搞呢個生意。」二人除推出DVD《2R與朋友》教學外，更會推出12款公仔教小朋友輕鬆學中文。

文：音樂組