【陳奕龍橫店直擊】熊黛林以一身黑衣人打扮亮相開鏡儀式，她說：「戲中我有好多靚衫，負責搞笑嘅唔係我。我第一次到橫店拍戲，呢度好悶，我帶咗電腦。（同郭富城玩視像？）唔知呢！你問番佢，我玩MSN。（有冇add城城？）我有好多朋友。戲入面我同君如、古天樂多對手戲。（古仔同城城都係黑黑實實型靚仔，會唔會鍾意佢？）我戲入面做古仔個妹，唔使鍾意佢，劇本話我鍾意內地演員潘粵明。」

baby唔怕採礦

Angelababy則渴望盡快與君如鬥戲，她說：「我細個已經鍾意睇佢搞笑。（你使唔使撩鼻屎？）如果導演覺得有需要，我可以照做，唔驚fans唔鍾意。戲入面我會扮男仔，唔使束胸。橫店冇娛樂，可以早啲瞓，近排皮膚起粒粒，順便當護膚。（留喺橫店咪見唔到好朋友（陳偉霆）？）邊個好朋友先？咁我呢段期間都會返香港嘅。」

中基呻冇娛樂

而鄭中基昨日則拍了一場與林子聰到古裝蘭桂坊Happy hour的戲份，他說：「橫店得一條街，冇乜娛樂，我遲啲會返香港。（處理公司業務？）唔係，我都冇遙遠控制公司啲嘢，我返去幫齣賀歲片錄音。（賀歲自己打自己？）唔會，因為兩套戲唔係同時期上映。」

一眾演員出席開鏡儀式，心情輕鬆笑個不停。

鄭中基（右）和林子聰拍攝一場古裝蘭桂坊搞笑戲。