前晚JOYCE假中環舉行「SoHo Composites #3－Hong Kong by Mike Figgis」攝影展覽，謝婷婷、陳貝兒、梁芷珊、陳見飛等齊齊亮相，自言酷愛攝影的婷婷，說很難為姪仔Lucas拍照，「佢太過活躍，不過霆鋒影相好叻，影得好靚！」婷婷說未有為男友安志杰拍照，笑問是否對方未夠靚仔，她說：「佢咁靚，只係佢成日做嘢對Camera，等佢抖抖。」

提到早前被拍下當街咀嘴，婷婷即露出一副甜到漏笑容：「我哋sweet嘛！佢依家仲喺重慶拍戲，上個月我去探過佢一次，今個月就去咗十日。」

張栢芝	陳貝兒（右）、梁芷珊抽空出席攝影展。

阿嫂一向神秘

對於阿嫂張栢芝被指懷有雙胞胎，婷婷反問記者：「又有咗？我真係唔知！（你哋好似咁生疏？）佢哋搬得咁遠。」至於報道指栢芝被拍時戴帽兼扯衫掩肚，表現神秘，婷婷笑說：「佢成日都咁神秘，因為着大件衫就話佢有咗，咁我下次叫佢着性感啲！只係咁啱影到嗰一張，可能係佢出汗咋！」婷婷更力言不信栢芝有喜，「我問咗佢二十次都答唔係。（再證實？）唔問啦！再問就畀人鬧，總之我唔信佢有咗！」

陳見飛生B有禮

另外，陳見飛表示不想再拍拖，「我喺愛情路上係唔幸運，唔開心就好容易Heartbreak。（屋企人冇催你？）冇，佢哋都放棄咗，爹哋話邊個生第一個孫畀佢就有大禮物，但我唔會為咗份大禮物而生。」

文：名人組