最近被爆跟敖犬因拍戲擦出愛火花的Theresa，昨日以「鬼新娘」造型現身活動，大會刻意安排兩位型男向她送上「棒棒糖」及「敖犬」毛公仔，起初一臉冧樣的Theresa被主持梁奕倫取笑後，即時表現尷尬，將極具意思的禮物推開，Theresa無奈表示：「之前話係送花，唔想有咩誤會。」

Theresa堅稱與敖犬屬朋友關係，但未有正面回應兩人上月是否同遊日本，最令人奇怪的是她解釋事件時竟爆出兩句台灣「潮語」，似乎有意為事件增添幾分曖昧，她說：「就算去旅行都係朋友關係，睇到新聞都『傻眼』（O嘴）覺得『太扯』（誇張）了！（轉晒國語？）唔係，之前增值自己，學咗日文同國語。（敖犬讚講得好？）以前拍戲都係講國語，自己OK嘅。（讚你進步？）由始至終都係朋友，我哋冇講電話同對話。」

合照僅一張

她又透露與敖犬曾於msn討論有關報道，兩人同感莫名其妙，她說：「當係電影宣傳啦，合照得一千零一張，喺佢哋演唱會後台影。（喺日本撞到？）唔想解釋，只會變成掩飾。（敖犬有冇展開追求？）乜都冇，係朋友。」至於與金牌合約問題，Theresa就指全權交由律師負責，未有影響心情，對於死敵鄧麗欣榮升「金牌一姐」，Theresa說：「其他人嘅嘢唔清楚，唔講喇。」

有網上閒聊

至於敖犬透過經理人公司回應，指與傅穎有交換msn閒聊，九月時敖犬提到與阿緯、小傑遊日本，Theresa也謂會去日本，他即禮貌相約四人飯局，對傳緋聞感無奈：「不是情人就不是情人。」

採訪：音樂組