四人齊齊戴上長假髮，以一身懷舊造型示人，雖然他們自嘲似癲佬，更笑言四人是「豬乸樂隊」，不過以黑超上陣的他們仍然魅力十足，十分型仔。問他們扮演溫拿樂隊可有難度？陳山聰表示：「都唔算太大難度，我哋幾個都有唱歌底子，所以要扮佢哋唱歌唔算難，反而最難係要忍笑，因為我哋嘅造型好搞笑，一望到對方好容易忍唔住笑。」