剛滿十八歲的女歌手鄧紫棋（G.E.M.）、黎耀祥昨日現身愉景新城，出席「珮氏愛心防蚊日」活動，大談防蚊心得。G.E.M.自言很怕被蚊咬：「好多時去郊外拍嘢，咬到一撻撻，不過我唔驚登革熱。（驚豬流感？）唔驚，我之前去美國都冇事，我想祝鄧麗欣快啲好番，我有朋友患過豬流感，依家都好番。我覺得佢病都做嘢，雖然身不由己，但好敬業。」
此外，G.E.M.在新片《愛出貓》中，與李蘊（Renee）因爭仔而破口大罵，她說：「我為咗培養情緒，拍嗰日刻意唔同人傾偈，費事講兩講又笑，唔夠嬲呀！」而Renee則嗌到失聲，她說：「G.E.M.識用丹田氣，我唔識，拍嗰時我叫得太盡，本身又唔舒服，結果收工失聲。不過G.E.M.畀到戲我，有場喊戲，我一見到佢啲眼淚就好感動！」