鄧麗欣確診豬流感後，緋聞男友方力申昨日與一班fans到旺角欣賞新片《機器俠》，為人為己亦戴上口罩以策安全。對於Stephy被指「無公德」帶着流感仍出席公開活動，小方緊張維護說：「我打過電話畀Stephy，佢話佢都受委屈，因當日活動上只感到喉嚨痛同好似發燒，但仍未探熱同確診。其實好多藝人平時為咗工作都要帶病上陣，唔通次次戴口罩咩？佢已經好慘，不幸冇咗兩個星期搵錢機會，希望大家畀啲愛心佢。」

洪卓立頭痛標鼻水

而Stephy則透過唱片公司透露今個星期尾會全面復工，負責人說：「每個人病都會覺得唔開心，成件事發生得好快，佢知助手病已立即通知大家。依家Stephy已接近康復，唔使食藥，預計今個星期尾會為新碟錄音。」與Stephy在水災籌款同場演出的洪卓立昨日出席慈善活動時透露自己有感冒徵狀，他說：「頭痛同有少少鼻水，天氣熱又出入冷氣地方，一冷一熱易患感冒。」與洪卓立同樣戴上口罩的詩雅有氣冇力地說：「啱啱嘔完三次，人震晒又標冷汗，可能食物中毒。」

HotCha傳染王浩信

而HotCha和Freeze亦擔心人傳人會受感染，HotCha昨日透露早前赴廣州工作時均已患上感冒，其中成員Crystal病情最反覆：「間唔中發燒，我諗唔關Stephy事，但啲菌好勁，王浩信見完我哋都發燒。（點解唔戴口罩，咁多小朋友唔怕傳染咩？）要做嘢，返後台會戴。」

文：專案組