祖兒昨日為國語碟《很忙》搞簽名會，換上秋裝襯熱褲、長襪登場。

祖兒親自派海報，歌迷爭相索取。

謝安琪日前出席音樂會時，因身體不適大失水準。

唔舒服情有可原

雖然祖兒沒有唱歌，只陪歌迷玩估歌名遊戲，但亦吸引數百人排隊攞簽名，有歌迷送上錘仔讓祖兒自助揼骨，她驚喜說：「啱啱想買，醫生叫我揼吓手腳，腸胃好啲。」

對於Kay日前出席音樂會時，因身體不適搞到唱歌失準，被觀眾喝倒采：「收皮」、「唔好再走音」，昨日祖兒聞言說：「真係㗎？如果佢唔舒服，情有可原，我用過來人身份講，路遙知馬力。」祖兒續說：「如果佢有實力，完全唔使驚呢啲聲音。」

祖兒以過來人身份忠告Kay：「自己好早期試過因為聲音唔好，畀網友話：『有冇搞錯，歌手失聲。』雖然有人體諒，但亦有人唔體諒，所以當務之急唔好理唔好嘅聲音，最緊要保護身體。」

此外，祖兒早前上大陸宣傳國語碟，因食無定時令身體速瘦，她嘆說：「再瘦落去唔掂，手腳都見筋。（胸部有冇縮水？）已經好瘦，比較唔到。」

採訪：音樂組