一連三場方大同「Timeless Live in Hong Kong 2009」音樂會，將於本周四假灣仔會展舉行。由於門票經已爆滿，令大同和工作人員也滿身「票債」，不過大同稱最快也只會在明年舉行Part 2，並謙稱：「其實我唔係好理呢啲（票房），我着重口碑同製作，呢啲先緊要。」
除了在香港開騷外，大同稍後會在台灣及上海等地開騷，非常忙碌。大同目前仍努力綵排，屆時將自彈自唱，他已練到「人琴合一」，揮灑自如，他說：「開始上咗軌道，依家練到唔使睇譜，同樂隊以眼神交流。」另外，大同雖在新碟首次獻唱廣東歌，但他表示不會特別推出廣東專輯：「廣東話始終唔係我強項，廣東歌都係留番畀Eason（陳奕迅）仲好。」
對於他與薛凱琪的緋聞，大同搞笑地表示：「做藝人呢啲新聞實有，但好好彩只係同佢傳，反而冇咁煩，大家係好朋友冇影響友誼。」
場地：奧海城