經常以性感形象示人的周秀娜（Chrissie）昨日以便服打扮，擔任兒童環保袋設計比賽頒獎禮的頒獎嘉賓，身穿白色T恤熱褲的她本只騷長腿，誰知當Chrissie俯身繪畫環保袋時，頓時春光乍現，衣領內露出性感的黑色tube top，難得她只顧埋首完成設計，全程大方任影，其後還大方地與現場兩位男觀眾玩二人三足。

勁慳買樓

Chrissie自言也想推出環保袋，問她可會像人形攬枕般？她笑說：「總之會重新設計，精益求精，不斷求新。」她又自稱平日生活也很環保，還會負責為朋友吃剩的食物「包底」。不過，昨日見她反而消瘦不少，她坦言：「多嘢做，瘦咗八磅。（上圍有無縮水？）無，我有做豐胸療程幫補㗎嘛。」但對於買樓一事，她說：「仲差好遠，要努力，目標係日本市場，最緊要儲到首期，同埋等到樓價跌番先，總之依家慳得就慳。」

避談收入

另外，o靚模鍾蕙芝（Lavina）昨日以性感水手服出席電腦節活動，惹來近五十名電車男瘋狂拍照，問她密密接Job，入行至今有否賺到六位數字？她避談實際數字說：「感謝搵我工作嘅客戶，（羨慕Chrissie賺咗七位數？）唔可以話羨慕，佢出道四年，我就得四個月，佢係我前輩，有多好嘢我應該向佢學習。」

文：名人組