24/08/2009

播放本新聞相關短片

琦琦撐港姐三甲夠靚

琦琦昨日出席fashiontv酒會,由於老公任達華擔任今屆港姐評判之一,對港姐被評質素差,琦琦笑說:「喺屋企講嘅嘢唔方便喺呢度講,其實質素都OK,三甲都幾靚,但無論做模特兒同港姐都係一樣,唔一定要好靚,內涵好重要,同埋要幫香港人宣傳香港。港姐歷屆以來都有好多好榜樣,好似朱玲玲同李嘉欣。」不過她說老公心水的佳麗卻落選,但她並沒有提及是哪一位。問到會否讓女兒任晴佳將來參加選美,琦琦只說女兒在運動方面較出色。

另外,曾志偉出席另一場合時,指港姐三甲是他的心水,稱任達華事前睇好亞軍李姿敏奪冠。志偉直言冠軍劉倩婷在綵排時明顯跌watt,不在狀態。他又妙論「最上鏡小姐」袁嘉敏,他抵死地說:「佢就係畀吳君如害死佢,都係身家清白好啲。」

邊個港姐最靚?立即投票!
詳情瀏覽on.cc《香港小姐2009》