十位《2009香港小姐競選》佳麗昨出席大會指定專用護膚產品「雪完美——美麗故事由您創造」記者會，出席者還包括代言人陳煒、李彩華，白韻琴則代表謝偉俊應贊助商邀請出席，不過就毫不留情勁彈港姐：「個個都可以做友誼小姐，個個冇殺傷力，以前嗰啲好似朱玲玲咁靚好多，甚至落選嘅鍾楚紅都靚，唔靚都有性格，依家啲靚女唔知去晒邊！（做o靚模囉！）都幾好、幾靚，好似周秀娜咁，我係男仔都鍾意。」幸好李彩華力撐港姐皮膚好，真人比上鏡靚，為一眾港姐挽回點面子。

李姿敏表錯情

對於被評為「友誼小姐」質素，港姐們竟不大清楚白姐姐話中有話，以為是前輩稱讚，(10)李姿敏說：「開心佢咁講，因為十個女仔相處得好好。（佢係話唔夠靚！）無綫揀我哋入圍都係靚，對自己有信心。」

「全部都係友誼小姐！」白姐姐狂踩港姐質素差。	「我哋夠親切！」(9)袁嘉敏	(10)李姿敏會錯意，以為被讚。

親切平易近人

(9)袁嘉敏則說：「我邀請佢同我哋近距離接觸就知我哋係OK嘅，其實港姐唔使殺傷力，要友善嘅靚，例如笑容好、眼神親切，港姐要平易近人。」(2)林潔瑜說：「我哋個個都親切㗎！（佢話唔靚喎？）我覺得佢呢番說話係話我哋親切。」

而周秀娜得知白姐姐讚賞後坦言：「雖然我對白姐姐認識唔深，但我覺得佢係有個性嘅香港女性代表，好開心佢抬舉我，我會繼續努力做嘢。」

文：影視組