阿嬌自今年三月「重生」後，外界反應奇佳，廣告、舞台劇及登台工作接到手軟，有傳阿嬌三個月內已勁賺七百萬，可見她人氣仍然高企。英皇有感現正是阿嬌重返樂壇的最佳時機，早在六月已密謀為阿嬌錄音，準備於年底出碟。雖然阿嬌及蔡卓妍（阿Sa）曾於07年的《Twins Party》及08年的《桐話妍語》中推出獨唱歌，但其實兩人仍以Twins名義出碟，只是英皇花心思「分拆上市」而已。今次阿嬌這張「復出碟」，只屬阿嬌個人，形式跟早前阿Sa推出的《二缺一》大碟一樣，據知阿嬌的單飛碟由陳少琪監製，歌詞則由前電台DJ Mini負責，暫定於八月中至底派台，新碟則預計於年底面世。

讚可塑性高愛嘗新

英皇唱片及藝人管理部總監霍汶希（Mani）昨承認阿嬌已開始為新歌錄音：「我哋係秘密進行咗幾個月，今次係阿嬌正式第一次單飛出碟，所以佢都好緊張。雖然阿嬌好多嘢做，又為咗八月廿七日開鑼嘅舞台劇《星爸亞爸》搞到聲沙，但阿嬌都照錄音。」她續稱，由於外界覺得阿嬌可塑性極高，愛嘗試新事物，英皇亦對阿嬌有百分百信心，故安排阿嬌出個人碟。至於阿嬌、阿Sa何時「二合一」，Mani則稱未有定案。

Mini樂為好友填詞

另外，Mini也承認為阿嬌度身訂造了一首勵志歌：「我覺得阿嬌已經ready好，可以再戰樂壇，作為佢朋友，可以幫佢填第一首『復出歌』我好開心。」Mini早前雖忙於製作自己設計的相機袋，但為了阿嬌，再忙也樂於為好友出力。

文：音樂組