至緊要勤力
現於澳門打×1浴室工作嘅深然表示，從自出現「牛奮男」呢個名稱之後，佢嘅擇偶條件隨之改變，到底呢類男人有乜吸引之處呀？深然話：「呢啲男人嘅特點，在於佢哋為人正直，誠實可靠，願意為家庭努力奮鬥，最重要係對女伴忠誠，就好似牛一樣咁執着，雖然暫時未有良好嘅經濟基礎，亦未必係靚仔，但我仍然覺得呢類男人非常吸引。老實講，家吓已經愈嚟愈少呢類男人，如果有機會遇上佢哋就好喇！」
講到咁鍾意牛奮男，之不過愛情絕對唔可能飲水飽，佢哋冇經濟能力，甚至自己都顧唔掂，怕唔怕出現問題㗎？深然就理直氣壯咁話：「當然唔會啦！呢亭男人勝在夠勤力，就算做到好似隻牛咁都毫無怨言，我亦相信經濟問題只係暫時性，只要不斷努力，總有出頭天嘛！就算唔可以成為大富大貴嘅人都唔緊要，只要有手有腳，使乜怕會餓親呀！」深然更認為，只要兩人真心相愛，唔介意同牛奮男一齊為生活拚搏咁話。
型男風險高
另一位索女小玉亦覺得牛奮男可以付託終身，之不過唔係貪佢哋夠勤力，而係同人品有關。小玉話：「對於我嚟講，男人有冇錢都唔係咁重要，至緊要老老實實，唔會呃我，你知啦！家吓社會風氣開放，通街都係豪放女，啲男人身痕有乜出奇，好似我嘅前度男友就係一個好例子。呢個男人有型有款又有家底，理應係幾唔錯嘅對象，只可惜佢實在太花心，經常以出外應酬為藉口，實則四圍去溝女，最記得有晚同佢食飯嗰陣，有個女仔打電話畀佢，聽見佢哋嗰啲曖昧對話，真係火都嚟埋，點知佢竟然掉番轉頭話我小器，結果拍拖兩個月，我就頂唔順同佢分手。」自此之後，小玉就誓言唔再鍾意型男，以免再次感情受挫。
小玉又認為，與牛奮男相比，型男偷食嘅風險高出百倍，佢話：「道理好簡單，一個有條件嘅男人，點會輕易為咗一棵樹而放棄整個森林？但牛奮男就唔同，至少佢哋用情專一，唔會欺騙感情嘛！」
床上獻殷勤
另一方面，牛奮男願意為伴侶付出嘅性格，亦係令索女愛上佢哋嘅原因之一。深然話：「單憑牛奮男嘅優點，已經可以想像得到，佢哋喺床上面會非常在意女伴嘅感受，唔似得部分自私男，淨係識得顧住自己享樂，將對手當作自己嘅玩具咁。而我亦相信牛奮男能夠滿足女伴各方面需要，盡心盡力服侍對方。」至於小玉就話：「要享受真正嘅性愛歡愉，真係好需要男女互相配合，例如女人嘅高潮反應嚟得比較慢，未能做足熱身運動嘅話，就會好難獲得高潮，呢個時候，男人識得主動為對手服務，提升興奮感，自然玩得零舍開心啦！牛奮男應該可以滿足我呢方面嘅需要。」原來牛奮男身上有咁多優點，難怪兩位索女都話冧佢哋喇！
小玉小檔案
年齡：20歲
三圍：34、23、34
興趣：上網
深然小檔案
年齡：21歲
三圍：33、24、33
興趣：瑜伽
撰文：娟娟 攝影：強