I Love You Boyz（艾粒）昨日為最新推出的DVD舉行握手會，好友Theresa及森美小儀有踩場合照兼互相送書，非常熱鬧。對於被安排到o靚模區進行活動，Donald說：「係咩？咁我係咪會見到周秀娜呀？真係好開心呀！（唔怕老婆張詠恩嬲？）我QC過唔得啦，o靚模係超班，老婆永遠係合格。」Donald戲言指o靚模跟平民難以分辨，但相信不會認錯fans。
少爺占原本想以性感打扮現身，他說：「本來我哋想性感少少，諗住露點，不過呢度唔可以咁做。o靚模全部都係男fans，太重陽氣，我哋啲女歌迷就要平衡一下陰陽。」
