關智斌（Kenny）成功考獲車牌，並火速買了新車過車主癮，早前就被本報拍得駕駛新車和「緋聞密友」張敬軒到赤柱撐枱腳。Kenny表示在未買入心頭好時，曾因車癮難頂，向好友容祖兒及鄭希怡打主意借車，可惜均遭兩人請食檸檬，Kenny大嘆：「原來講錢失感情外，借車都可以試到邊個先係真正好朋友。」
Kenny憶述當天考獲車牌，即第一時間向好友們報喜，更欲借頭借路向有車階級祖兒和鄭希怡借車，他說：「點知我叫佢哋揸架車出嚟同我去遊車河、慶祝吓，順便借埋車畀我揸時，佢哋好醒即刻耍我，仲話食飯坐保母車就得喇，唔使搞咁多嘢。」Kenny大表失望地說：「呢啲咪真朋友囉。」
問到Kenny為何不買跑車？他不諱言雖然年輕人愛追求刺激開快車，但他自問是一個好司機，為免貪一時之快而累己累人，故一定要安全為上。