美味天使劉俐（藍莓），早前偕好姐妹王宝宝（春卷）出席廚具用品活動，兩女更大派美食及行廚具花生騷。說到二人之廚藝，劉俐即指自己熱愛入廚，更笑指廚藝有助兩性的溝通：「我好認同要留住個男人，就必先要識綁住佢個胃，因為有餐好嘅嘢食，我諗佢都唔會去搵『阿二靚湯』嚟飲啩！」劉俐又指自己的撚手小菜是蒸魚及炒田雞。王宝宝則指自己平日愛煮意大利菜：「如果要話拿手嘅就只有意大利粉，因為之前喺外國讀書，咩都係自己一腳踢，無論煮飯、洗衫，嗰陣自己就最鍾意煮意大利粉，因為好方便又可以食幾餐！」