昨日賭王獲頒「香港演藝學院第23屆畢業典禮」榮譽博士學位，三太陳婉珍、四太梁安琪、子女何超雲、超蓮、超欣、猷啟及猷龍等盛裝出席。超雲以一襲棗紅色超低胸Stella McCartney長裙亮相，豐滿上圍「動L」而出，更成功「胸」贏妹妹超蓮。而超雲對四太女兒超欣亦照顧有加，除替她穿外套，又拖實她去吃東西。

賭王獲頒授榮譽博士學位，家人到場支持。

超雲夾在四太梁安琪（右）及三太陳婉珍的中間。

「唔通老咗先性感？」

由於三太陳婉珍曾表示不贊成女兒穿得太性感，問超雲事前有否問准媽咪？她說：「冇呀。（爹哋有冇過目？）唔使啦。（有冇做足防走光措施？）有！（媽咪想唔想你性感？）唔通老咗先性感咩？（自己有本錢？）係呀。」

至於上身密實、下身清爽的超蓮雖然大騷美腿，但「峰」頭明顯被胞姊搶盡。問她為何不打扮更性感？超蓮嬌嗲地說：「唔係，特登唔搶佢（超雲）鏡。」超蓮又識做地說：「家姐靚好多！（唔想搶鏡？）係囉。」

超雲拋胸撐場相當養眼，但三太就無奈地謂：「佢咁大個女。（畀唔畀佢哋做暑期工？）都畀嘅，唔擔心，佢識照顧自己。（要密實啲？）一路唔贊成（性感），但佢有自己限度。」

四太自嘲駁嘴駁舌

對於賭王獲頒榮譽博士，四太說：「何生攞獎當食生菜，無欲無求啦。（幾時輪到你攞博士？）慢慢未遲，我仲後生，駁嘴駁舌就有，個女話嘅。」四太又透露女兒超盈已畢業入大學，並希望超盈修讀法律。問超盈有否拍拖時，四太說：「唔拍拖做乜嘢？佢就嚟十九歲，唔使質問。」期間傳媒要求三太、四太和超雲合照，四太即拉住超雲站在中間位置。

另外，獲頒榮譽博士學位的何鴻燊高興地說：「我對文化事業好支持，好多次同好朋友同大闊佬講，唔可以成日發夢顧住搵錢，要諗吓藝術文化。」

文：專案組