Gaile吸取上次在活動露點教訓後，昨日出席同一品牌舉辦的《Huggies Pull-Ups學習褲潮牛達B Show @ apm》時，以白tee外加恤衫「封胸」，而下身則配上超短熱褲，故拖着小孩走動時，不時露出白滑股邊。最有趣是大會把黎明及Gaile的樣子合成BB照，但Gaile竟認不出BB的眼睛是來自男友，笑言BB的肚腩是屬於男友！

尹蓁晞惹火打扮成為全場焦點，她更自爆拍寫真時，即興半裸。	樂基兒見到跟男友「製造」的龍鳳胎即笑逐顏開。	金佰利香港總裁兼董事總經理劉冰瑩（右二）與一眾嘉賓及得意BB合照。

照顧黎明愛將

Gaile坦言上次着兩件衫仍走光，故今次刻意在白tee的領口貼雙面膠紙，但對於露股邊卻無所謂。「OK啦，係Boyish style，又唔係專登，襯番小朋友啲紙尿片嘛。咁多年都冇人留意我，依家多咗人留意，我要慢慢習慣小心啲。」至於在台上笑黎明有大肚腩，她說對方不會嬲，只是說笑而已。

期間Gaile跟黎明力捧的新人王歌慧（Emily）同台行騷，更不時照顧對方，她說：「佢好專業，頭先喺後台我叫佢唔好緊張，照顧啲細路仔就得。我未去到可以教人，但需要意見我都會畀。」而Emily對於自己首次行騷，坦言有點緊張，問到是否走性感路線，她說：「睇吓係咪健康，太刻意就唔好，老闆（黎明）都話最緊要係自然。」

Yumi除比堅尼

另外，同場的趙碩之師妹尹蓁晞（Yumi）及周美欣，以不同性感造型騷胸晒腿示人，Yumi說在海南島拍寫真集時，一時即興脫去上身的比堅尼，以半裸姿態趴在沙灘拍攝，「老闆（林建名）未知，算係畀個驚喜佢！」

採訪：名人組