廖啟智好友敍舊賀得獎

廖啟智前晚獲盧海鵬、盧大偉、羅蘭、胡楓等一大班《歡樂今宵》舊同事，於尖沙咀設宴祝賀他早前贏得金像獎最佳男配角。智叔前晚偕太太陳敏兒出席慶祝會，他說：「話慶祝我攞男配角，只係以此為名啫，其實我哋每年都聚一次，咁啱早排我唔得閒，好多人約食飯都去唔到，楊受成先生都想請我食飯，但好抱歉內地劇組放唔到人，慶祝應該到此為止，之後返內地開工，唔喺香港，唔通預祝出年咩？（唔帶埋個獎出席？）朋友想見吓我，唔係想見個獎，況且佢哋獲獎無數，未見過獎咩！」