本文重點
蔡卓妍（阿Sa）昨日在活動上透露「5‧18」正是Twins成立八周年的日子，雖然跟鍾欣桐（阿嬌）兩人分隔兩地各有工作，但阿Sa卻表示正計劃Twins十周年籌辦大型活動，令一直以來Twins拆夥的傳聞不攻而破。
阿Sa、陳偉霆（William）及樂隊Dear Jane，昨日到九龍一間中學為《飛躍校園2009》活動揭幕，被大會委任為「校監」的阿Sa獲頒發一隻寓意「夢想飛翔」的模型飛機，阿Sa表示昨日「５‧18」正是Twins成立八周年紀念日，令她不禁諗起初出道跟阿嬌做校園活動的情景，更坦言期望Twins能夠盡快「二合一」，阿Sa說：「未知會唔會慶祝活動，但其實一路都傾開Twins十周年會搞啲乜，初步諗就係音樂劇或者演唱會。（感觸？）唔會，我哋接受呢個狀況，就要為將來嘅路繼續行。」
鄭希怡開心有伴
另外，阿嬌跟鄭希怡（Yumiko）在上海出席護膚品牌依奈的發布會，兩人以七位數字酬勞獲委任為09年代言人，分別代言美白及補濕系列產品，Yumiko說：「今次好開心，我同阿嬌之前一齊去廣州拍廣告，做嘢有個伴真係開心好多。」對於Twins八周年紀念，阿嬌說：「咁快就八周年喇，真係好開心，雖然我同佢分開做嘢，但係我哋同公司講緊，想集合晒香港同內地啲fans一齊慶祝。（上海見面？）我聽朝走喇，次次都同阿Sa緣慳一面，可能機場見啦！」
文：音樂組