《美女廚房》昨晚錄影「國際賽」，邀請了兩位馬來西亞國際華裔小姐冠軍譚嘉麗及尤鳳音、椋名凜和台灣新人葉玲，聯同唐詩詠、梁靖琪作賽。昨午幾位外地代表先進行熱身，其中椋名凜、葉玲打扮性感俯身食臭豆腐，搶盡風頭。梁漢文、方力申則帶領慶祝好收視，並宣布添食八集。
對於一身性感打扮，葉玲以半鹹淡廣東話說：「女人要咁，老公下班見老婆咁靚就返屋企食飯，我晚上錄影時會更性感。（怕唔怕走光？）咁你賺咗啦！（性感搶分？）我睇過Amanda S.親一親評判就十分，我會睇下親邊個。」對於葉玲、椋名澟的性感，梁漢文、方力申笑言「頂唔順」。
