黃貫中（Paul）和黃家強這對冤家，自冰釋前嫌後昨日首度到電台宣傳七月假紅館舉行的演唱會，二人接受訪問時有講有笑，家強更形容今次開騷是雙劍合璧，問到為何獨欠葉世榮？阿Paul表示：「我知道佢忙緊錄音同準備出碟，所以唔敢打攪佢！」家強則謂：「今次如果加埋世榮就變成Beyond，但我哋唔係呢個形式，所以世榮唔會一齊！」
至於嘉賓方面，阿Paul和家強透露有不少朋友自薦，令他們擔心有些歌未能唱，又怕順得哥情失嫂意，所以暫時不會公布嘉賓名單；另外阿Paul笑言叫歌迷喝少許酒high high地入場，但叮囑歌迷酒後不要駕駛，事後他又謂：「其實一滴唔飲都可以，聽我哋音樂已經high過飲酒！」
